4. Ilaqutariit isertitaat
Ilaqutariit atuisutut pingaarnertut isigineqarsinnaapput, ilaqutariit isertitaat tunngavigalugit inuiaqatigiit atuinerat pitsaasumik misissoqqissaarneqarsinnaavoq. Ilaqutariit assigiinngitsunik amerlassusilinnik inuttallit aamma assigiinngitsunik katitigaasut sanilliunniarlugit ilaqutariit isertitaat atoriaannaat naligiissinneqartarput.
Ilaqutariit isertitaat ilaqutariinni inuit isertitaat tunngavigalugit naatsorsorneqartarput, ukiumi qaangiutilersumi 15-inik ukioqalereersimanissaq aamma ukiup aallartinnerani naaneranilu Kalaallit Nunaanni najugaqarsimanissaq pisariaqarpoq ilaqutariit isertitaanut naatsorsuinermut peqataasagaani.
2020-p naanerani Kalaallit Nunaannit 30.947-it ilaqutariittut nalunaarsorsimapput. Taakkunannga ilaqutariit 28.081-it piumasaqaatigineqartut qulaani taaneqartut qulakkeersimavaat. Ilaqutariit isertitaanut taakku tunngavigineqarput.
Takussutissiaq 4.1 2020-mi agguaqatigiissillugit ilaqutariit isertitaat
|
Isertitat katillugit |
Isertitat akileraaru-taasussat |
Isertitat atoriaannaat |
Isertitat atoriaannaat naligiissinnerat |
|
1.000 kr. |
|||
Nuna tamakkerlugu ....... |
401 |
384 |
261 |
185 |
Kommune Kujalleq ........ |
319 |
300 |
215 |
155 |
Kommuneqarfik Sermersooq . |
470 |
458 |
298 |
211 |
Qeqqata Kommunia ....... |
388 |
367 |
258 |
183 |
Kommune Qeqertalik ...... |
318 |
299 |
216 |
152 |
Avannaata Kommunia ..... |
361 |
339 |
239 |
164 |
|
Najugaqarfik |
|||
Illoqarfinni .............. |
416 |
399 |
269 |
190 |
Nunaqarfinni ............. |
291 |
271 |
203 |
141 |
|
Ilaqutariit katitigaanerat |
|||
Aappariit ................ |
661 |
639 |
421 |
230 |
Kisimiittut ............... |
256 |
241 |
172 |
159 |
|
Ilaqutariinni meeqqat amerlassusaat |
|||
Meerartaqanngitsut ....... |
337 |
324 |
220 |
187 |
Ataatsimik meerartallit ...... |
499 |
476 |
324 |
187 |
Marlunnik meerartallit ...... |
607 |
583 |
386 |
182 |
Ikinnerpaamik pingasunik meerartallit .............. |
605 |
561 |
402 |
153 |
Najoqqutaq: https://bank.stat.gl/INNFI101
Kisitsisitigut paasissutissani inuit isertitaat najugaqarfinni ilaqutariit isertitaannut assingungajapput. Kommuneqarfik Sermersuumi ilaqutariit isertitaat kommuninut allanut sanilliullugu qaffasinnerungaatsiarput, nalinginnaasumik aamma illoqarfinni ilaqutariit isertitaat qaffasinnerupput nunaqarfimmiuninngarnit, takussutissiaq 4.1 takuuk.
Sumiiffinni isertitat takutinngilaat ilaqutariit amerliartortillugit isertitaasa annertusiartortarnerat. Aappariit agguaqatigiissitsinermik nalinginnaasumik kisimiittuminngarnit isertitaqqortunerusarput. Taamatuttaaq ilaqutariit amerliartortillugit isertitaat amerliartortarput, ass. ilaqutariit ataatsimik imaluunniit marlunnik meeraqartillugit meeqqanut tapisiat annertusiartortartut.
Ilaqutariit pingasunik amerlanernilluunniit meerartallit isertitaat akileraarutaasussat annikinnerusarput. Akerlianilli ilaqutariit pingasunik amerlanernilluunniit meerartallit isertitaat atoriaannaat marlunnik meeralinnut sanilliullugit qaffasinnerusarput. Ilaqutariit pingasunik amerlanernilluunniit meerartallit ikiorsiissutinik akileraarutitaqanngitsunik annertunerusumik pisarsimanissaat ilimanarpoq.
Ilaqutariit ass. arfinilinnik inuttallit isertitaat atoriaannaat aamma inuup kisimiittup isertitai sanilliunneqarsinnaanngillat. Ilaqutariit amerlasuunik inuttallit ikittunik inuttalinnut sanilliullugit atuinerusarput, taamaasillutillu ikittunik inuttallit atuinerannut sanilliutissagunik isertitaqarnerusariaqarlutik.
Akerlianilli inuit amerlasuut aamma iluaqutitaqartarput, ilaqutariillu amerlasuunik inuttallit kisimiittumit agguaqatigiissillugu isertitaanit annikinnerusinnaallutik. Assersuutigalugu ilaqutariit arfinilinnik inuttallit nillataartitsivinnik arfinilinnik pisariaqartitsineq ajorput taamatullu angerlarsimaffiup sillimasernissaanut arfinilinnik pisariaqartitsisarnatik.
Ilaqutariit assigiinngitsut isertitaasa sanilliunnissaanut isertitanut naligiissinneranni uuttuut atorneqartarpoq, taamaasilluni ilaqutariit isertitaat atoriaannaat naatsorsorneqartarluni, takuuk takussutissiaq 4.2. Isertitat atoriaannaat naligiissinneri kapitali 7 immikkoortumi 7.8-mi atuarneqarsinnaapput.
Takussutissiaq 4.2 2020-mi agguaqatigiissillugu isertitat naligiissinneri
|
Isertitat atoriaannaat |
Naligiissitsinermi uuttuut |
Isertitat atoriaannaat naligiissinnerat |
|
1.000 kr. |
|
1.000 kr. |
Kisimiittoq meeraqanngitsoq ...... |
166 |
1,0 |
165 |
Kisimiittoq ataatsimik meeralik ..... |
193 |
1,4 |
138 |
Kisimiittoq marlunnik meeralik...... |
207 |
1,7 |
120 |
Kisimiittoq pingasunik amerlanernilluunniit meeralik....... |
220 |
2,2 |
101 |
|
|
|
|
Aappariit meeraqanngitsut ....... |
391 |
1,5 |
258 |
Aappariit ataatsimik meerallit ...... |
438 |
1,9 |
230 |
Aappariit marlunnik meerallit....... |
456 |
2,2 |
206 |
Aappariit pingasunik amerlanernilluunniit meerallit....... |
448 |
2,7 |
167 |
Najoqqutaq: https://bank.stat.gl/INNFI101
Isertitat atoriaannaat naligiissinnerisa naatsorsornerini, ilaqutariit ataasiakkaat isertitaat allanngorartarput. Ilaqutariinnut ilaasut tamarmik – meeraqarsimappat taakku ilanngullugit – naligiissitsinermi isertitaat tamarmik assigiilersarpoq, ilaqutariinnut ilaasoq qanoq isertitaqarsimatiginersoq apeqqutaatinnagu. Isertitat naligiissinnerini ilaqutariit tamarmik assigiimmik atuinissamut periarfissaqartinneqartarput.
Takussutissiami 4.2-mi takuneqarsinnaavoq aappariit naligiissitsinermi isertitaat qaffasinnerpaajusoq. Aappariit aamma kisimiittut naligiissitsinermi isertitaat annikinnerulersimavoq. Aamma meeqqat amerliartortillugit ilaqutariit isertitaat atoriaannaat naligiissitsinermi annikilliartortarput. Isertitat atoriaannaat ilaqutariinni isertitaqarsinnaasut amerliartortillugit annertusiartortartut ilaqutariit amerliartortillugit isertitat atoriaannaat ikiliartortarput. Ilaqutariit amerlasuunik inuttallit meerartaat 14-it sinnerlugit ukiullit, naligiissitsinermi naleqarnerusarnerat tamatumunnga pissutaavoq, akerlianik meeqqat 14-it angullugit ukiullit ilaqutariit naligiissitsinermut apparsaataasartut.
Tamanna isumaqarpoq, ilaqutariit atuisinnaanerat milliartortartoq meeqqat ilaqutariinniittut amerliartortillugit.